Ընթացիկ կառավարում

Ընթացիկ հաշիվն առաջին քայլն է դեպի HSBC միջազգային ցանց և հնարավորություններ:

Իրականացրեք տեղական և միջազգային փոխանցումները պարզ և արդյունավետ, թղթային կամ էլեկտրոնային եղանակով:

Մենք ձեռնարկում ենք բոլոր անհրաժեշտ միջոցներն առևտրի կետերից կանխիկի հավաքագրումն ու համապատասխան հաշիվներին մուտքագրումը պատշաճ կազմակերպելու համար: Դուք կարող եք օգտվել նաև մեր կանխիկի առաքման ծառայությունից, երբ կանխիկը փոխադրվում է Բանկից դեպի Ձեր գրասենյակ, առևտրի կետեր:

Բանկն առաջարկում է կանխիկի մուտքագրման և ելքագրման ծառայություններ, որոնք կօգնեն Ձեզ պարզ և արագ կառավարել կազմակերպության գործարքները:

Բանկի հաշվետերերի համար POS-տերմինալների տեղադրումը կատարվում է առավելագույնս սեղմ ժամկետներում:

Կառավարե´ք Ձեր ամենօրյա բանկային գործառնություններն աշխարհի ցանկացած կետից՝ հաշիվների վճարում, վճարումների դադարեցում, հաշվի մնացորդի դիտում և փոխանցումներ: HSBCnet տեղեկատվական և գործառնական պորտալի միջոցով Դուք կարող եք կառավարել և կատարել միջազգային փոխանցումներ, ինչպես նաև կատարել ներդրումներ`Ձեր միջազգային բիզնեսի ընդլայնմանը նպաստող գործիքների միջոցով:

Մեր բանկի բազմամյա փորձն ու ռեսուրսները հնարավորություն են տալիս հաճախորդներին առաջարկել արտարժութային շուկայի ծառայություններ, ինչպես նաև արտարժույթի փոխարժեքի տատանումներից ծագող ու բիզնեսի վրա բացասաբար անդրադարձող ռիսկերի հնարավոր նվազեցման և կառավարման գործիքներ: HSBC Բանկ Հայաստանը իր հաճախորդներին առաջարկում է սփոթ և ֆորվարդային գործարքներ հետևյալ արտարժույթներով USD, EUR, GBP, RUB, CHF, CAD, AUD, AED, CNY, JPY, HKD: