HSBC Զեղծարարության ուղեցույց

Զեղծարարը զանգահարում է ընկերություն՝ ներկայանալով որպես բանկի աշխատակից, ոստիկան, մատակարար, հաճախորդ կամ այլ վստահություն ներշնչող անձ։ Սովորաբար հեռախոսազանգի նպատակն է զոհին դրդել հետևյալ գործողությունների՝

• Տեղափոխել գումարն այլ հաշվի՝ իբրև ապահովության կամ պահպանման համար
• Կանխիկացնել գումարը և փոխանցել այն զեղծարարին՝ հետաքննության նպատակով
• Տրամադրել անձնական տեղեկատվություն, որը թույլ կտա մուտք գործել Ձեր ընկերության բանկային հաշվին։

Ուշադրություն։

• Ուշադիր եղեք անծանոթ զանգերին, հատկապես երբ Ձեզանից կպահանջվի տրամադրել գաղտնի տեղեկատվություն ընկերության մասին։
• Եթե կասկածներ ունեք, մի վախեցեք դադարեցնել հեռախոսազանգը` հրաժարվելով տրամադրել որևէ տեղեկատվություն։
• Խոսակցությունը պետք է ավարտվի երկուստեք, այսպիսով, համոզված եղեք, որ Ձեզ զանգահարողը ևս ավարտել է զանգը, և դուք կարող եք օգտագործել մեկ այլ հեռախոսահամար՝ պարզելու զանգահարողի իսկությունը։
• Զեղծարարները կարող են միտումնավոր կեղծել հեռախոսի էկրանին ցուցադրվող համարը, փորձելով այն ներկայացնել որպես բանկի իսկական հեռախոսահամար։
• HSBC-ին Ձեզանից երբեք չի պահանջի գեներացնել անվտանգության կոդը՝ սեղմելով դեղին կոճակը կամ խնդրելով Ձեզ տրամադրել Ձեր PIN համարը։
• Երբեք մի՛ փոխանցեք ընկերության անվտանգությանը վերաբերող տեղեկատվությունն այլ անձանց։ Շատ կարևոր է պահպանել Ձեր հաշիվը և անվտանգության տեղեկատվությունն ապահով։

Հանցագործները կարող են տիրապետել Ձեր ընկերության մասին հիմնական տեղեկատվությանը՝ անուն, հասցե, հաշվեհամարի տվյալներ։

Մի՛ ենթադրեք, որ զանգահարողը վստահելի անձ է, այն պատճառով, որ տիրապետում է այդ տեղեկատվությանը կամ ներկայանում է որպես իրական կազմակերպություն։

Այս զեղծարարության տեսակը թիրախավորում է օտարերկրյա մատակարարների և/կամ գործարարների հետ աշխատող կազմակերպությունների, որոնք հաճախ են իրականացնում վճարումներ ընկերության սեփականատիրոջ, տնօրենի կամ ֆինանսական տնօրենի անունից։

Առկա է այս զեղծարարության երկու հիմնական տեսակ՝

• Էլ․ փոստի սփուֆինգ (spoofing)՝ սա ենթադրում է էլ․փոստի միջոցով մանիպուլյացիա, երբ զեղծարարի էլ․փոստը նմանացվում է այլ իրական էլ․ փոստի հասցեին ։

Այս միջոցով զեղծարարները կեղծում են իրական մատակարարների էլ․փոստի հասցեն՝ կեղծ տվյալներով հաշիվ-ապրանքագիր ներկայացնելով։ Այս դեպքում իրական մատակարարի էլ․ փոստի հասցեն չի կոտրվում, այլ փոխարենը ստեղծվում է իրական մատակարարի դոմեյնին նման հասցե, ինչը շատ մարդիկ չեն նկատում, ինչպես օրինակ՝ @CompanyACB.com՝ @CompanyABC.com-ի փոխարեն։

Էլ․ փոստի կոտրում։ Զեղծարարության այս տեսակը հանդիսանում է կազմակերպության ղեկավար անձի, օրինակ՝ ֆինանսական տնօրենի, էլ․փոստի հասցեից զեղծարարություն․ զեղծարարը կոտրված էլ․փոստի հասցեից կեղծ վճարման հրահանգ է ուղարկում մեկ այլ՝ հաճախ կրտսեր աշխատակցին։

Ուշադրություն։

Համոզվեք, որ Ձեր աշխատակիցները գիտեն համապատասխան քայլերի հաջորդականությունը՝ պարզելու վճարման հարցումն ուղարկած էլ․փոստի իսկությունը։ Այս տեսակի զեղծարարության զոհ չդառնալու նպատակով մշտապես ստուգեք Ձեր ընկերության վճարում իրականացնող վերահսկողության համակարգերը։

Իմացե՛ք ավելին բիզնես էլ․ հաղորդագրության միջոցով զեղծարարության մասին

Զեղծարարության այս տեսակը ենթադրում է, որ զեղծարարը խարդախությամբ դրդում է ընկերությանը փոխելու վճարման ստացողի բանկային հաշվեհամարը։ Զեղծարարները հանդես են գալիս ընկերության մշտական մատակարարի անունից և տրամադրում իբրև փոփոխված բանկային հաշվեհամարի մանրամասները։

Սա ներառում է հաճախորդների շինծու տվյալների և բանկային հաշիվների ստեղծում՝ կեղծ վճարումներ կատարելու նպատակով։

Ինչպե՞ս նվազեցնել Ձեր ընկերության՝ հաշիվ-ապրանքագրի կեղծման զոհ դառնալու հավանականությունը

Համոզվեք, որ այն աշխատակիցները, որոնք ներգրավված են հաշիվ-ապրանքագրերի և դրանց հիմնական տվյալների փոփոխության գործընթացում, տեղեկացված են զեղծարարության հավանական վտանգների վերաբերյալ:

Միշտ վավերացրեք ֆինանսական պայմանավորվածության ցանկացած փոփոխություն մատակարարի հետ՝ օգտագործելով Ձեզ մոտ գրանցված կոնտակտային տվյալները։

Սա ենթադրում է էլ․հասցեին ուղարկված նամակներ, որոնք ուղղորդում են մարդկանց դեպի այլ վեբ կայքեր, որտեղ նրանք թողնում են անձնական կամ ֆինանսական գաղտնի տեղեկատվություն։ Թեև այս էլ․նամակները կարող են թվալ օրինական կայքերից ուղարկված, այնուամենայնիվ, դրանց նպատակն է գողանալ Ձեր անձնական տեղեկատվությունը՝ Ձեր հաշիվներ մուտք գործելու նպատակով։ Այս գործընթացը հայտնի է որպես ֆիշինգ։ Մի՛ պատասխանեք այն նամակներին և մի հետևեք էլ․ նամակում ներառված հղմանը, որտեղ, օրինակ զգուշացվում է, որ Ձեր հաշիվը կսառեցվի եթե Դուք չհաստատեք Ձեր անձնական տեղեկատվությունը։ Փոխարենը՝ Դուք կարող եք կապ հաստատել ընկերության հետ Ձեզ արդեն ծանոթ հեռախոսահամարով։ Ջնջեք նմանատիպ էլ․ նամակները։

Զգուշացեք զեղծարարների կողմից ուղարկված կասկածելի տեքստային հաղորդագրություններից, որոնք թվում է, թե ուղարկվել են բանկի կողմից՝ նպատակ ունենալով Ձեզ դրդելու տրամադրել անձնական կամ ֆիանանսական տեղեկատվություն (զանգահարելով հեռախոսահամարին կամ սեղմելով համապատասխան հղման վրա)։

Կարևոր է՝

• HSBC-ն երբեք Ձեզ չի խնդրի տրամադրել Ձեր ամբողջական PIN-ը կամ գաղտնաբառը
• HSBC-ն Ձեզ երբեք չի ուղարկի տեքստ այնպիսի հղմամբ, որը կուղղորդի գրանցման էջ։
• Զեղծարարները կարող են միտումնավոր կեղծել հեռախոսահամարն այնպես, կարծես թե տեքստը իսկապես HSBC-ի կողմից է։
• Երբեք մի փոխանցեք Ձեր անվտանգության մանրամասներն այլ անձանց։
• Եթե դուք կասկածում եք, արդյոք հաղորդագրությունն ուղարկվել է HSBC-ի կողմից, ապա մինչ որևէ գործողություն կատարելը զանգահարեք մեզ Ձեզ արդեն հայտնի հեռախոսահամարով։

Եթե դուք կասկածում եք, որ տեսքտը SMS ֆիշինգ է, ապա ուղարկեք այն phishing@hsbc.com էլ․ հասցեին։

Այս զեղծարարությունը ենթադրում է Ձեր բանկային հաշվից դուրս գրված չեկերի կեղծում կամ ապօրինի փոփոխում։

Ստորև ներկայացված են զեղծարարության զոհ չդառնալու որոշ խորհուրդներ՝

• Ստուգեք Ձեր չեկերը։ Ավելացրեք հավելյալ տեղեկատվություն՝ ինչպես օրինակ հաշվին կցված այլ համար։
• Ամբողջությամբ օգտագործեք Ձեր ստորագրությունը չեկերի վրա, ոչ միայն պարզապես սկզբնատառերը։
• Ստուգեք չեկերը քաղվածքների հետ։ Տեղեկացրեք մեզ ցանկացած անհամապատասխանության դեպքում։
• Պահեք դատարկ չեկերն ապահով վայրում։

Պաշտպանեք Ձեր քարտը։

• Ստորագրեք և ակտիվացրեք Ձեր քարտը ստանալու պահին։
• Դուք կարող եք ակտիվացնել Ձեր քարտն օնլայն բանկինգի միջոցով, զանգահարելով մեզ ստորև նշված հեռախոսահամարներով կամ օգտագործելով HSBC ATM-ը։
• Զանգահարեք մեզ ստորև նշված հեռախոսահամարներով, եթե Ձեր՝ ժամկետանց հին քարտին փոխարինող նոր քարտը չի ժամանել հին քարտի վավերականության ժամկետի ավարտից մեկ շաբաթ առաջ։

Պաշտպանեք Ձեր PIN-ը

• Երբեք մի պահպանեք Ձեր PIN-ը կամ անվտանգության այլ մանրամասներն այնպիսի վայրում, որը հասանելի է այլ անձանց։
• Ոչնչացրեք Ձեր PIN-ի մասին տեղեկատվությունը։
• Ընտրեք այնպիսի PIN, որը չի ասոցացվի Ձեր հետ և չի հանդիսանա թվերի հաջորդականություն՝ 1234 կամ 1111։ Լավագույն տարբերակն է թվերի խառը հաջորդականության ընտրությունը կամ այնպիսի հաջորդականություն, որը Դուք կարևորում եք։

Պահպանեք Ձեզ՝ գտնվելով ATM-ին մոտ

• ATM-ին կարող է հարմարեցված լինի սարք, որը կարող է օգնել զեղծարարին գողանալու քարտը կամ դրա տեղեկատվությունը։ Եթե դուք նկատեք տարօրինակ սարք, կցված ATM-ին, մի փորձեք այն հեռացնել։ Հեռու գնացեք ATM-ից և զանգահարեք հաճախորդների սպասարկման կենտրոն կամ ոստիկանություն։
• Միշտ մոտ կանգնեք ATM-ին և ձեռքով փակեք այն հատվածը, որտեղ հավաքում եք PIN-ը։ Հանցագործները կարող են հետևել Ձեզ այն պահին, երբ դուք մուտքագրում եք PIN-ը մինչ փորձելը գողանալ Ձեր քարտը։
• Եթե ATM-ը չի վերադարձնում Ձեր քարտը, մի փորձեք մուտքագրել այն կրկին։ Տեղեկացրեք մեզ՝ զանգահարելով հաճախորդների սպասարկման կենտրոն։

Պահպանեք Ձեր ընկերության քարտերը հեռախոսի միջոցով

• Երբ կատարում եք քարտային վճարումներ հեռախոսի միջոցով, քարտը պետք է լինի Ձեր առջև, քանի որ Ձեզանից կպահանջվի քարտի ժամկետի ավարտը, թողարկման ամսաթիվը և երեք նիշը, որը գրված է ստորագրության կողքին։ Երբեք մի փոխանցեք Ձեր PIN-ը հեռախոսով, նույնիսկ եթե պահանջվի։
• Փորձեք չտրամադրել Ձեր քարտի մասին տեղեկատվությունը հանրային վայրերում, քանի որ այն կարող է լսելի դառնալ։
• Պահանջեք գործարքի փոստային կամ էլեկտրոնային հաստատում։

Եղեք պաշտպանված, երբ ինքներդ եք օգտագործում քարտը։

• PIN-ը մուտքագրելիս ձեռքով փակեք այն։
• Եթե կբախվեք դժվարությունների քարտն օգտագործելիս, ապա զանգահարեք հաճախորդների սպասարկման կենտրոն։
• Խնդրում ենք պահպանել Ձեր քարտերն ապահով վայրում։

Օգտագործելով տարբեր եղանակներ՝ զեղծարարները կարող են տիրապետել այնպիսի անձնական տվյալների, ինչպիսիք են՝ կրեդիտ քարտի համարը, նրա ժամկետի ավարտը, Ձեր ծննդյան ամսաթիվը կամ Ձեր մայրիկի օրիորդական ազգանունը և այլն։ Այս տեղեկատվությունը կարող է պահանջվել բանկային նոր հաշիվ բացելու կամ վարկի դիմելու համար։

Նվազեցրեք ռիսկը՝ հետևելով այս երեք հիմնական կետերի՝

• Ոչնչացրեք բոլոր տեղեկանքները, որոնք պարունակում են Ձեր բիզնեսի անվանումը, հասցեն կամ անձնական տեղեկատվություն։
• Ակտիվացրեք հեռախոսի անվտանգության համարը, քանի որ այն մեզ համար հանդիսանում է Ձեզ իդենտիֆիկացնելու անվտանգ եղանակ։
• Մի փոխանցեք հեռախոսի անվտանգության համարն այլ անձի, ով կապ է հաստատում Ձեզ հետ։ HSBC-ն Ձեզանից երբեք չի պահանջի տրամադրել հեռախոսի անվտանգության համարը, երբ մենք ենք զանգահարում Ձեզ։

Իմացե՛ք ավելին ֆինանսական խարդախության մասին

Բժշկական ոլորտին բնորոշ զեղծարարություն

Վերջերս, զեղծարարները, շահագործելով կորոնավիրուսի բռնկումը, փորձում են ներկայանալ որպես վստահություն ներշնչող հաստատություն՝ Բանկ կամ Առողջապահության համաշխարհային կազմակերպություն։ Մենք նկատում ենք, որ զեղծարարները հատուկ թիրախավորում են բշժկական սեգմենտը: Ստորև Ձեզ ներկայացնում ենք զեղծարարության որոշ օրինակներ, որոնք կօգնեն Ձեզ պաշտպանվել հարձակումներից։ Նմանատիպ զեղծարարությունները կատարվում են հետևյալ եղանակներով՝

• Հեռախոսազանգեր
• Էլ․հաղորդագրություններ
• Տեքստային հաղորդագրություններ (SMS)
• Սոցիալական մեդիայի հրապարակումներ

Դրանք կարող են լինել Ձեզ արդեն հայտնի հեռախոսահամարները կամ էլ․փոստի հասցեները։ Այսպիսով, խնդրում ենք Ձեզ լինել ուշադիր և պարզել այդ տվյալների իսկությունը։ Երբեք մի՛ հաստատեք կապ ուղարկողի հետ՝ օգտագործելով հաղորդագրությունում առկա կոնտակտային տվյալները։ Եթե կասկածներ ունեք, ապա զանգահարեք HSBC կայքում նշված հեռախոսահամարներով կամ կապ հաստատեք Ձեր կորպորատիվ բիզնեսի զարգացման գծով կառավարչի հետ։

Զեղծարարության օրինակներ

Վճարման զեղծարարություն

Զեղծարարները տեղյակ են, որ բժշկական սեգմենտն այժմ կատարում է մեծածավալ գնումներ վիրուսին դիմակայելու համար և գրոհում են ինչպես մատակարարին, այնպես էլ այդ ապրանքների գնորդներին՝ փոփոխելով հաշիվ-ապրանքագրերում նշված վճարման մանրամասները։ Երբ առաջին անգամ եք կատարում մեծածավալ վճարումներ մատակարարին, խնդրում ենք զանգահարել մատակարարին վստահելի հեռախոսահամարով (այն հեռախոսահամարով, որը վստահ եք, որ պատկանում է մատակարարին)՝ մինչև վճարում կատարելը վավերացնելու բանկի հաշվեհամարի տվյալները։ Եթե Դուք նկատում եք որևէ փոփոխություն առկա մատակարարի բանկային հաշվի փոփոխության մեջ, ապա խնդրում ենք հետևել վավերացում կատարելու նույն քայլերին։ Երբեք մի զանգահարեք կամ էլ․հաղորդագրություն հղեք հաշիվ-ապրանքագրի վրա նշված կոնտակտային տվյայլներով։

Բժշկական ոլորտի աշխատակիցներ

Հանցագործները թիրախավորում են բժշկական ոլորտի աշխատակիցներին՝ ուղարկելով կեղծ հաղորդագրություններ կառավարության կողմից, որոնք առաջարկում են կորոնավիրուսի տարածման նպատակով կատարել վճարումներ: Կառավարությունը չի զանգահարի և չի ուղարկի Ձեզ նման տեքստային կամ էլ․հաղորդագրություն, հետևաբար այն խաբեություն է։ Ուշադիր եղեք տառասխալներին, տարօրինակ հասցեներին և ողջույնի ձևին։ Երբեք մի բացեք հղումներ տարօրինակ հաղորդագրությունների մեջ։

Կեղծ ապրանքներ

Հանցագործները շահագործում են կորոնավիրուսի բռնկումը՝ առաջարկելով այնպիսի կեղծ ապրանքներ, ինչպիսիք են դիմակները, ձեռքերն ախտահանող գելը և այլն, որոնք արդյունքում չեն առաքվելու։ Եթե ստանում եք շատ գրավիչ առաջարկ, ապա դա հավանաբար զեղծարարություն է։ Ուշադիր եղեք օնլայն գնումներ կատարելիս։ Օգտագործեք անվտանգ վճարման եղանակներ, որոնք խորհուրդ են տրվում վստահելի մանրածախ գնորդների կողմից և ուշադիր եղեք բանկային հաշվին փոխանցումներ կատարելու պահանջներին։

Նմանակություն

Զեղծարարները կարող են հանդես գալ որպես Բանկի կամ պետական մարմինների աշխատակից և խնդրել Ձեզ կորոնավիրուսի պատճառով գումար փոխանցել «ապահով հաշիվներին»։ HSBC-ն Ձեզանից երբեք չի պահանջի տրամադրել PIN-ը, գաղտնաբառերը կամ առաջարկի Ձեր գումարները փոխանցել այլ հաշիվների։ Եթե Ձեզ մոտ առաջանում է հնարավոր զեղծարարության վերաբերյալ կասկած, ապա մի պատասխանեք հաղորդագրություններին և մի շարունակեք հեռախոսային խոսակցությունը։

Եթե Ձեր ընկերությունը դարձել է զեղծարարության զոհ, տեղեկացրեք մեզ ստորև նշված հեռախոսահամարով կամ կորպորատիվ բիզնեսի զարգացման գծով կառավարչի միջոցով։

Հաճախորդների աջակցման կենտրոն՝

Զանգահարեք ՝ +37460 655 000

Մեր հեռախոսային կենտրոնն աշխատում է շուրջօրյա։

Անվտնագության վերահսկում / Քարտերի կորստի կամ գողության դեպքում

Խնդրում ենք զանգահարել վերևում նշված հեռախոսահամարով, եթե կասկածում եք, որ Ձեր անվտանգության տվյալները վտանգված են։

http://www.hsbcnet.com/gbm/about-hsbcnet/security-alerts

https://www.abcfinance.am/defalcation/financial-fraud-types.html

www.cardwatch.org.uk

www.cifas.org.uk

http://www.actionfraud.police.uk/small-businesses-know-your-business