- Հոդվածներ
- Նորարարություն և փոխակերպում
- Բանկային գործունեության հեռանկար
«Euromoney» 2022. HSBC Հայաստանը` կորպորատիվ ծառայությունների ոլորտում «Շուկայի առաջատար» և «Լավագույն ծառայություններ մատուցող բանկ»
Ըստ «Euromoney» hեղինակավոր ամսագրի 2022 թ․ հարցման` «Էյչ-Էս-Բի-Սի Բանկ Հայաստան» ՓԲԸ-ն (այսուհետ` HSBC Հայաստան/Բանկ) հինգերորդ տարին անընդմեջ ճանաչվել է կորպորատիվ ծառայությունների ոլորտում «Շուկայի առաջատար բանկ»: Բանկն այս տարի արժանացել է նաև ոլորտում «Լավագույն ծառայություններ մատուցող բանկ» մրցանակին:
Հանդիսանալով ոլորտի առաջատար պարբերական` «Euromoney»- ն ողջ աշխարհում իրականացնում է ամենամյա հարցումեր ֆինանսական կազմակերպությունների հաճախորդների շրջանում: Վերջիններս, գնահատելով իրենց հետ համագործակցող ֆինանսական հաստատությունները, ինչպես նաև նրանց կողմից մատուցվող ծառայությունների որակը, որոշիչ դեր են ունենում հարցման արդյունքների վրա:
Բանկի կորպորատիվ ծառայությունների զարգացման և կառավարման վարչության ղեկավար Միքայել Պետրոսյանը նշում է․ «Այս մրցանակները արտացոլում են հաճախորդների գոհունակությունը մեր մատուցած ծառայություններից, ինչը մեծագույն ձեռքբերում է: Հարցման արդյունքները վկայում են, որ HSBC Հայաստանի որդեգրած թվայնացման և ծառայությունների պարզեցման ռազմավարությունը վստահության է արժանանում հաճախորդների շրջանում: Դա մեզ քաջալերում է շարունակել մեր սկսած ճանապարհը»:
Պարոն Պետրոսյանը վստահեցրեց, որ Բանկը շարունակելու է անել առավելագույնն իր ամենախստապահանջ հաճախորդների կարիքները բավարարելու և նրանց ճանապարհը դեպի առաջընթաց ուղղորդելու նպատակով: Նշենք, որ այս ցուցանիշներին զուգահեռ HSBC Խումբը ևս «Euromoney» պարբերականի կողմից արժանացել է մրցանակի` ճանաչվելով կորպորատիվ ծառայությունների ոլորտում «Շուկայի առաջատար» աշխարհում:
HSBC Խումբ
HSBC Holdings plc-ն՝ HSBC Խմբի ընկերության գլխամասը, գտնվում է Լոնդոնում: Խումբը ծառայություններ է տրամադրում 63 երկրներում և տարածաշրջաններում՝ Եվրոպայում, Ասիայում, Հյուսիսային և Լատինական Ամերիկայում, ինչպես նաև Մերձավոր Արևելքում և Հյուսիսային Աֆրիկայում: HSBC-ն հանդիսանում է աշխարհի ամենախոշոր ֆինանսական կառույցներից մեկը, որի ակտիվները 2022թ. հունիսի 30-ի դրությամբ կազմել են 2,985 միլիարդ ԱՄՆ դոլար:
HSBC Հայաստան
«Էյչ-Էս-Բի-Սի Բանկ Հայաստան» ՓԲԸ-ն հիմնադրվել է 1996թ․-ին։ Բանկը Էյչ-Էս-Բի-Սի Խմբին ամբողջությամբ պատկանող դուստր ընկերություն է։ Էյչ-Էս-Բի-Սի Հայաստանը սպասարկում է շուրջ 30 000 հաճախորդի Երևան քաղաքում գտնվող իր 6 գրասենյակի և մոտ 310 աշխատակցի միջոցով: 2021 թ.-ի դեկտեմբերի 31-ի դրությամբ բանկի ակտիվները կազմել են 261 միլիարդ ՀՀ դրամ` ներառյալ Էյչ-Էս-Բի-Սի Բանկ Փի-Էլ-Սի Լոնդոնի կողմից Բանկի միջնորդությամբ տրամադրված վարկերը: Բանկը վերահսկվում է ՀՀ կենտրոնական բանկի կողմից։
